podujana peramuna

ශ්‍රී ලංකා නිදහස් පක්ෂය ඇතුළු දේශපාලන පක්ෂ 17 ක් ශ්‍රී ලංකා පොදුජන පෙරමුණ සමග එක්ව පිහිටුවාගත් ලැබූ ශ්‍රී ලංකා නිදහස් පොදුජන සන්ධානයට අදාළ අවබෝධතා ගිවිසුමට අද පෙරවරුවේ අත්සන් තැබුණා.

එම අවස්ථාවට සහභාගී වූ ජනාධිපති අපේක්ෂක ගෝඨාභය රාජපක්ෂ මහතා පැවසුවේ ඉදිරි ජනාධිපතිවරණයෙන් පසු පැවැත්වෙන සියලු මැතිවරණ නව සන්ධානය යටතේ තරග වදින බවයි.

ශ්‍රී ලංකා පොදුජන පෙරමුණ, ශ්‍රී ලංකා නිදහස් පක්ෂය, මහජන එක්සත් පෙරමුණ, ඊ.පී.ඩී.පී. සංවිධානය, ලංකා කම්කරු කොංග්‍රසය, ජාතික කොංග්‍රසය ඇතුළු දේශපාලන පක්ෂ 17 ක් එක්ව ශ්‍රී ලංකා නිදහස් පොදුජන සන්ධානය සදහා වන අවබෝධතා ගිවිසුමට අත්සන් තැබීම සිදුවූයේ කොළඹ පදනම් ආයතනයේදී.


ඒ, ශ්‍රි ලංකා පොදුජන පෙරමුණේ ජනාධිපති අපේක්ෂක ගෝඨභය රාජපක්ෂ මහතාගේ ප්‍රධානත්වයෙන්.

අදාළ ගිවිසුමට පක්ෂ මහලේකම්වරුන් අත්සන් තැබුවේ පෙරවරු 10.17 ට යෙදුණු සුබ මොහොතින්.

පක්ෂ නියෝජිතයන් ගිවිසුමට අත්සන් තැබීමෙන් අනතුරුව ජාතික නිදහස සදහා වූ සමගියේ ප්‍රතිඥාව ද ලබාදුන්නා.