Liverpool Holding සමුහ ව්‍යාපාරය යටතේ වන Trymas Media Network ( Pvt) Ltd ආයතනය විසින් CAPITAL FM දමිළ ගුවන් විදුලි නාලිකාව වැඩ අරඹන්නේ දෙසැම්බර් පලමු දාය. යාපනය දිස්ත්‍රික් ශ්‍රීලනිප සංවිධායක අංගජන් රාමනාදන්ගේ මෙහෙයවීමෙන් පැවැත්වෙන සමාරම්භක අවස්ථාව ජනාධිපති මෛත්‍රීපාල සිරිසේන ඇතුලු මැති ඇමැතිවරුන්ගේ ප්‍රධානත්වයෙන් ගලදාරි හෝටලයේදී පැවැත්වීමට කටයුතු සැලසුම් කර ඇත.
මෙම ගුවන් විදුලි සේවය සදහා මාධ්‍ය ක්ෂ්‍රේත්‍රෙය් වසර 20 ට වැඩි අත්දැකීම් සම්භාරයක් සහ පළපුරුද්ධක් ඇති ෂියා උල් හසන් නායකත්වය ලබා දීමට නියමිත බව Trymas Media Network ( Pvt) Ltd ආයතනය පවසයි. CAPTAL FM දමිළ නාලිකාවේ සංගීත පාලක ලෙස ජ්‍යෙෂ්ඨ ගුවන් විදුලි නිවේදක ඒ.එල්.ජෆීර් කටයුතු කිරීමට නියමිතය.
ප්‍රවීන ගුවන් විදුලි කලාකරුවන් වන රුබන් පිලිප්, දර්ෂි කිරුබා, මිමික්රි බාලු, අෆ්සාන්, ප්‍රවීනා රවීන්ද්‍රන් , සහානා නිධා ගුවන් විදුලි නිවේදක නිවේදිකාවන් ලෙස එක්වේ. එහි ප්රවෘත්ති අංශට විමල් ආදිත්‍යන් සහ නිරුෂා කනගසබෙයි ද ඇතුලත් වෙයි. ගලධාරී හෝටලයේදී 2017.12.01 දින පැවැත්වෙන සමාරම්භක උත්සවයේදී ප්‍රවීන ගුවන් විදුලි නිවේදකයන් තිදෙනකුට ප්‍රණාමයන් දැක්වීමටද Trymas Media Network ( Pvt) Ltd ආයතනය කටයුතු සංවිධානය කර ඇත.
සිංහල ගුවන් විදුලි ක්ෂේත්‍රයේ ප්‍රවීණ විකාශක සුනිල් විජේසිංහ, ජ්‍යෙෂ්ඨ දමිළ ගුවන් විදුලි ශිල්පී බී.එච්. අබ්දුල් හමීඩ් සහ ඉංශ්‍රීසි ගුවන් විදුලි නිවේදක අරුන් ඩයස් බණ්ඩාරනායක එදින ජනාධිපතිවරයා අතින් ගෞරවයට පාත්‍රවීමට නියමිත බව Trymas Media Network ( Pvt) Ltd ආයතනය වැඩි දුරටත් සදහන් කරයි.
(Radio Gagana)
![කොරෝනා අස්සේ ජනයි ප්රියයි අත්තඩංගුවට - නුඩුත් නෑ බඩුත් නෑ නිදහස් - සමාජයෙන් වසන්කල වීඩියෝව එළියට [VIDEO]](https://blogger.googleusercontent.com/img/b/R29vZ2xl/AVvXsEhkIS_4DWAxbzLPYuBq_JkjPzi2oJf-ZCGgn0JURQo7NORxPshba7S_Zb8x2uwazASuDcU7bdTSjUuwYj_s8gPzjzafZ2p7St4As-Dk0_rNs61TyxaWjUmW0VDiOAjnHQqbyW1QusdoRoA/s72-w320-c-h180/janai+-+priyai.jpg)
No comments:
Post a Comment