කුසල් මෙන්ඩිස්ගේ වේගවත් අර්ධ ශතකයෙන් ශ‍්‍රී ලංකාවට පහසු ජයක්

සංචාරක ශ‍්‍රී ලංකා කණ්ඩායම හා ස්කොට්ලන්ත කණ්ඩායම අතර පැවැත්වෙන දෙවන පුහුණු තරගයෙන් කඩුලු 09ක විශිෂ්ට ජයක් ලැබීමට ශ‍්‍රී ලංකා කණ්ඩායම සමත් වුනා. ශ‍්‍රී ලංකා ඇරයුමෙන් පළමුවෙන් පන්දුවට පහරදුන් ස්කොට්ලන්ත කණ්ඩායම සියලු දෙනා දැවී ලකුණු 166ක් ලබා ගත්ත.ස්කොට්ලන්ත කණ්ඩායම වෙනුවෙන් ක‍්‍රිග් වොලස් ලකුණු 46ක් ලබා ගැනීම සමත් වු අතර පළමු තරගයේ ශතකයක් ලබා ගත් ක්‍රොස් ලකුණු 27ක් ලබා ගත්තා.

ශ‍්‍රී ලංකා කණ්ඩායම වෙනුවෙන් ලක්ෂාන් සදකැන් ලකුණු 39ට කඩුලු 4ක්ද නුවන් කුලසේකර ලකුණු 23ට කඩුලු 2ක්ද ලබා ගැනීමට සමත් වුනා. ජයග‍්‍රහණය සදහා ලකුණු 167ක ඉලක්කයක් හඹා යාමට පිටියට පිවිසි ශ‍්‍රී ලංකා කණ්ඩායම පන්දුවාර 22යි පන්දු 5ක් තුළ එක් කඩුල්ලක් පමණක් දැවී සිය ඉලක්කය සපුරා ගැනීමට සමත්වුනා.

එහිදී වේගවත් ඉනිමක් ක‍්‍රීඩා කළ කුසල් මෙන්ඩිස් පන්දු 51ක් තුළ දැවැන්ත හයේ පහර 2ක් හා හතරේ පහර 10ක් සමගින් නොදැවී  ලකුණු 74ක්ද නායක උපුල් තරංග නොදැවී ලකුණු 53ක්ද ලබා ගැනීමට සමත් වුනා. ඒ අනුව තරග දෙකකින් සමන්විත පුහුණ තරගාවලිය 1-1ක් ලෙස ජයපැරදුමෙන් තොරව නිමාවිය

තරගයේ ලකුණු පුවරුව පහතින්...