අයි.එස් ප්‍රහාරයකින් පාපන්දුලෝලීන් 13ක් මරුට

ස්පාඤ්ඤයේ - රියාල් මැඞ්රිඞ් පාන්දු කණ්ඩායමට සහාය දක්වන ඉරාක පාපන්දුලෝලීන්ගේ නවාතැනක් වූ බලාඞ් නුවර අවන්හලකට ඊයේ එල්ල වූ අයි.එස්. ප්‍රහාරයකින් පුද්ගලයන් 13 දෙනෙකු ජීවිතක්ෂයට පත්වුණා.

ප්‍රහාරය එල්ල කොට පලා යමින් සිටි අයි.එස්. සාමාජිකයන් 4 දෙනෙකු ෂියා සන්නද්ධ කණ්ඩායම්වල ප්‍රති ප්‍රහාරයෙන් ජීවිතක්ෂයට පත්වී තිබෙනවා. ප්‍රහාරයෙන් පසු සැඟවී සිටි පුද්ගලයෙකු ප්‍රදේශවාසීන් විසින් අල්ලාගෙන පණපිටින් පුළුස්සා අවන්හල ඉදිරිපිට කණුවක එල්ලා තැබූ බවයි විදෙස් වාර්තා සදහන් කළේ.

සිද්ධිය සම්බන්ධයෙන් ස්පාඤ්ඤයේ රියාල් මැඞ්රිඩ් පාපන්දු කණ්ඩායම ද ශෝක පණිවුඩයක් නිකුත් කළා.