ඉන්දීය සුපිරි ගායකයාගේ වැඩෙන් ගුවන් කාර්යමණ්ඩලයක් ගෙදර යයි (VIDEO)

ඉන්දීය ජනප‍්‍රිය ගායක සෝනු නිගම් හේතුවෙන් ඉන්දීය ගුවන් සමාගමක කාර්යමණ්ඩල සාමාජිකයින් පිරිසක් තාවකාලිකව රැකියාවෙන් නෙරපීමේ පුවතක් වාර්තා වනවා. ඒ, ගුවන් මගීන්ට නිවේදන ලබාදෙන සන්නිවේදන පද්ධතිය උපයෝගී කරගනිමින් ගීත ගායනා කිරීම හේතුවෙන්.

සෝනු නිගම් විසින් එහිදී ගීත දෙකක් ගායනා කර ඇති අතර, ගුවන් මගියෙකු එය වීඩියෝගත කර ෆේස් බුක් සමාජ වෙබ් අඩවියට යොමුකර තිබුණා. එය දුටු ඉන්දීය සිවිල් ගුවන් සේවා බලධාරීන් පවසා ඇත්තේ සෝනු නිගම් නීති විරෝධී ක‍්‍රියාවක් සිදුකර ඇති බවයි. 

එබැවින් ඊට අනුබල දුන් ගුවන් යානයේ කාර්යමණ්ඩලයට එරෙහිව පරීක්ෂණයක් පැවැත්වීමටයි ඔවුන් තීරණය කර ඇත්තේ. මීට පෙර ද 2004 වසරේ ඉන්දියාවේ හෝලි උත්සව සමයේ ගුවන් යානයක් තුළ නර්තනයේ යෙදුණු සිද්ධියේදී ගුවන් නියමුවන් දෙදෙනෙකුගේ වැඩ තහනම් කෙරුණා. 

අදාළ වීඩියෝව පහතින් බලන්න...