ආසියානු කුසලානය අද ඇරඹෙයි

ආසියානු කුසලාන කි‍්‍රකට් තරගාවලියේ ප‍්‍රධාන තරග අද (24) සිට ආරම්භ වනවා. ඉතිහාසයේ පළමු වරට මෙවර තරගාවලිය පැවැත්වෙන්නේ පන්දුවාර විස්සයි විස්ස තරගාවලියක් ලෙසයි. 

එ් එළැඹෙන පන්දුවාර විස්ස ලෝක කුසලානය ඉලක්ක කර ගනිමින්. මෙවර තරගාවලියේ සත්කාරකත්වය දරන්නේ බංග්ලාදේශයයි.

ශී‍්‍ර ලංකාව, පාකිස්තානය, බංග්ලාදේශය , ඉන්දියාව සහ එක්සත් අරාබි එමීර් රාජ්‍ය මෙවර ආසියානු කුසලාන තරගාවලිය එක්ව සිටිනවා. පළමු තරගය ශී‍්‍ර ලංකා වේලාවෙන් අද රාති‍්‍ර 7 යි 30ට ආරම්භ වන්නේ සත්කාරක බංග්ලාදේශය සහ ඉන්දියාව අතරයි. ශී‍්‍ර ලංකා කණ්ඩායම සහභාගිවන පළමු තරගය එක්සත් අරාබි එමීර් රාජ්‍ය සමග හෙට පැවැත්වෙනවා.

ආසියානු කුසලාන කි‍්‍රකට් තරගාවලිය මෙවර පැවැත්වෙන්නේ 14 වැනි වරටයි. 1984 වසරේ සිට පැවත්වෙන ආසියානු කුසලානය පස්වතාව බැගින් ශී‍්‍ර ලංකාව සහ ඉන්දියාව විසින් දිනා ගනු ලැබුවා. අවසන් වරට 2014 වසරේ බංග්ලාදේශයේ පැවති ආසියානු කි‍්‍රකට් තරගාවලියේ ශූරතාව දිනා ගත්තේ ශී‍්‍ර ලංකාවයි.