හුස්ම හොයාගෙන ගිය කූඩැල්ලෝ

බ්‍රිතාන්‍ය ජාතික කාන්තාවකගේ නාසයේ කූඩැල්ලන් දෙදෙනෙක් සිට හමු වී තිබේ. 24 හැවිරිදි මෙම තරුණිය සංචාරක සමාගමක සේවය කරයි.

මෙම තරුණිය ගිණිකොනදිග ආසියාවේ සංචාරයක නිරත වී නැවත පැමිණීමෙන් අනතුරු ව බලන විට මෙම කූඩැල්ලා නාසයේ සිටිය දී හමු වී තිබේ.

ඇය නොදැනුවත් ව මෙම කූඩැල්ලා මාසයක පමණ කාලයක් නසයේ සිටි බවට විදෙස් මාධ්‍ය වාර්තා කරයි. නොනවත්වා නසයෙන් ලේ ගැලීමක් සිදු වී ඇති අතර නාසයේ වේදනාවක් ද පැමිණ තිබේ. 

අනතුරු ව මාපට ඇඟිල්ලක් පමණ දිගින් යුත් මෙම කූඩැල්ලා කණ්නාඩියෙන් බලන විට මෙම කාන්තාව දැක තිබේ. ඇඟිල්ල උපයෝගී කරගෙන මෙම කූඩැල්ලා ඉවතට ගැනීමට උත්සාහ කළ ද එය නිෂ්ඵල වූ බැවින් වතුර යොදා තිබේ. 

එය ද අසාර්ථක වූ බැවින් වෛද්‍යරයෙක් හමුවට ගොස් ප්‍රතිකාරගෙන ඇති අතර නාසයේ සිටි කූඩැල්ලන් දෙදෙනෙක් ඉවත් කර ඇත.