මේ සම්බන්ධයෙන් කටුනායක ගුවන්තොටුපොළ කාර්ය භාර කළමනාකාරවරයාගෙන් නිව්ස් ෆස්ට් විමසීමකදී ඔහු පැවසුවේ, කටාර් සිට පැමිණි මගීන් මේ පිළිබඳව තමාට ද වාචිකව පැමිණිලි කළ බව ය. ඒ අනුව, ගුවන්තොටුපොළේ පිහිටි වාණිජ බැංකු ශාඛාවලින් තමා මේ පිළිබඳ විමසීමක් කළ බව ද ඔහු සඳහන් කළේ ය.
නැවත දැනුම් දෙනතුරු කටර් රියාල් හුවමාරු කිරීම සඳහා භාර නොගන්නා ලෙස, මහ බැංකුව මගින් තමන් වෙත උපදෙස් ලැබී ඇති බව අදාළ බැංකු ශාඛා ගුවන්තොටුපොළ කාර්යභාර කළමනාකරු වෙත දැනුම් දී තිබේ. කටාර් රාජ්ය සමග රාජ්යතාන්ත්රික සබඳතා නතර කිරීමට මැදපෙරදිග කලාපයේ රටවල් 6ක් පියවර ගැනීමත් සමග මෙම තත්ත්වය උද්ගත වී තිබේ.
විදෙස් වාර්තා සඳහන් කළේ, දැනට කටාර් ගුවන් යනා සඳහා සෞදි ආරාබිය හා ඊජීප්තුව සිය ගුවන් අවකාශය තහනම් කර ඇති බව ය. ගුවන්තොටුපොළ කාර්යභාර කළමනාකාරවරයා සඳහන් කළේ, දැනට ශ්රී ලංකාව හා කටාර් අතර ගුවන් ගමන් සාමාන්ය පරිදි සිදුකෙරෙන බව ය.
No comments:
Post a Comment