ත්රස්තවාදී හා අන්තවාදී කණ්ඩායම්වලට කටාර් රාජ්යයේ අනුග්රහය හිමිවන බවට වූ චෝදනාව මත සෞදි අරාබිය, ඊජිප්තුව, බහරේන් සහ එක්සත් අරාබි එමීර් රාජ්ය, කටාර් රාජ්ය සමග පවත්වන ලද තානාපති සබඳතා මේ වන විට නවතා දමා තිබෙනවා. එමිරේට්ස්, එතිහාඩ්, සෞදි ඇරබියන් සහ ෆ්ලයි ඩුබායි ගුවන් සේවා කටාර් රාජ්ය සමග වූ තම ගුවන් ගමන්ද නවතා දමා තිබෙනවා.
මෙම අර්බුදකාරී වතාවරණය තුළ අද දිනය තුළ දී Brent බොරතෙල් බැරලයක මිල ඇමරිකානු ඩොලර් 50.21 දක්වා සහ WTI බොරතෙල් බැරලයක් ඩොලර් 47.90 දක්වා සියයට 0.5 බැගින් ඉහළ ගොස් තිබෙනවා. ලෝකයේ 17 වැනි විශාලතම බොරතෙල් නිෂ්පාදකයා සහ OPEC සංවිධානයේ 9 වැනි විශාලතම බොරතෙල් සැපයුම්කරුවා වන, කටාර් දේශයේ සැපයුම් අඩපණ වීම ලෝක තෙල් මිල ඉහළ යාම කෙරෙහි ප්රධාන වශයෙන් බලපා තිබෙන බවයි විශ්ලේෂකයින් පවසන්නේ.
මෙම පසුබිම තුළ ලෝක වෙළෙඳපොළේ බොරතෙල් මිල ගණන්වල ඉහළ යාමක් වාර්තා වී ඇති අතර ආසියානු කොටස් වෙළෙඳපොළ කිහිපයක්ම දිනය තුළ පහළ ගොස් තිබේ.
No comments:
Post a Comment