එංගලන්තයේ ලන්ඩන් නුවර කෙනින්ටන් ඕවල් ක්රීඩාංගනයේ පැවති තරගයේ පළමුවෙන් පන්දුවට පහර දුන් දකුණු අප්රිකාව කඩුළු 6ක් දැවී ලකුණු 299 ක් ලබා ගත්තා. සිය 25 වන ශතකය වාර්තා කළ හෂීම් අම්ලා ලකුණු 103 ක් රැස් කළා. පිළිතුරු ඉනිම ක්රීඩා කළ ශ්රී ලංකා කණ්ඩායමට පන්දුවාර 41යි පන්දු 3ක් අවසානයේ සියළු දෙනා දැවී ලබා ගත හැකි වූයේ ලකුණු 203 ක් පමණයි.
ශ්රී ලංකා ඉනිමේ පළමු කඩුල්ල වෙනුවෙන් ලකුණු 69ක සබඳතාවක් ගොඩනැගීමට නායක උපුල් තරංග සහ නිරෝෂන් දික්වැල්ල සමත් වුණා. උපුල් තරංග ලකුණු 57ක් සහ නිරෝෂන් දික්වැල්ල ලකුණු 41ක් ලබා ගත්තා. කෙසේ වෙතත් කුසල් ජනිත් හැරුණු විට සෙසු සියළු මැදපෙල පිතිකරුවන් අසාර්ථක වීම තරගයේ පරාජයට හේතු වූ බවයි විචාරකයින් පෙන්වා දෙන්නේ.
කුසල් ජනිත් නොදැවී රැස් කළ ලකුණු සංඛ්යාව 44ක්. පන්දු යැවීමේදී ඉම්රාන් තහීර් ලකුණු 27ට කඩුළු 4ක් බිඳහෙළුවා. තරගාවලිය යටතේ ශ්රී ලංකාව සහභාගී වන දෙවන තරගය එළබෙන 8 වනදා ඉන්දියාවට එරෙහිව පැවැත්වීමට නියමිතයි.
No comments:
Post a Comment