අන්තිමේ ආණ්ඩුව දණ ගහයි.. වරාය වර්ජනය නිමයි..

ශ‍්‍රී ලංකා වරාය අධිකාරියේ වෘත්තීය සමිති විසින් අරම්භ කර තිබූ වැඩ වර්ජනය අත්හිටුවා තිබේ.

අගමැති රනිල් වික්‍රමසිංහ මහතා සහ වෘත්තීය සමිති නියෝජිතයින් අතර පැවැති සාකච්චාවේදී පැමිණි එකඟතා අනුව මෙම තීරණය ගෙන ඇත.

වරාය සියලු සේවකයින්ට විශේෂ අවුරුදු දීමනාව ලබා දීම, ඵලදායිතාව අනුව දෙසැම්බර් මාසයේදීද විශේෂ දීමනාවක් ලබා දීම, ජයබහළු පර්යන්තයේ දිරි දීමනාව සම්බන්ධයෙන් ඉදිරිපත්ව ඇති යෝජනා සාකච්ඡා කර වාර්තාවක් ඉදිරිපත් කිරීමට සඳහා කමිටුවක් පත් කිරීම යන යෝජනාවලට මෙහිදී රජය විසින් එඟතාවය පල කර ඇත.

ඇමතිවරුන් වන අර්ජුන රණතුංග, මලික් සමරවික්‍රම, නිමල් සිරිපාල යන මහත්වරුන්ද මීට සහභාගී වූහ.