‘සිංහ ලේ’ මෙහෙයවන්නේ රුවන් ෆර්ඩිනැන්ඩස්.. මංගලගේ හිටපු ලේකම්..

සිංහලේ නම් ව්‍යාපාරය මෙහෙයවන්නේ ඇමති මංගල සමරවීර මහතාගේ ලේකම්වරවෙකුව සිටි අයෙක් බව ඇමති රාජිත සේනාරත්න මහතා කොළඹදී පැවති මාධ්‍ය හමුවකදී කියා සිටියේය.

මේ ගැන ලැබී ඇති තොරතුරැ මත පරීක්ෂණ පැවත්වෙන බවත් ඉදිරියේදී ඒ ගැන දැඩි පියවර ගන්නා බවත් ඇමතිවරයා කියා පැවසීය.

‘ගිය කාල සමෙයේ ජාතික සමගිය සුළු ජාතික අයිතීන් වෙනුවෙන් පෙනී සිටි මාධ්‍යවේදියෙක් තමයි සිංහලේ ව්‍යාපාරය මෙහෙයවන්නේ. මංගල සමරවීර අමාත්‍යවරයා සමග සිටි දැන් ඔහුගෙන් ඉවත් වෙලා ඉන්න පුද්ගලයෙක්’.

මෙසේ පවසන්නේ රුවන් ෆර්ඩිනැන්ඩස් ගැනදැයි එහිදී මාධ්‍යවේදියෙකු ඇසූ කල ‘ඔව්. එහෙමයි ආරංචි’ යැයි ඇමතිවරයා කීය.