මාලිගාවේ නිලමෙවෙන්න 3ක් ගැටෙයි

ශ්‍රී දළදා මාලිගාවේ දියවඩන නිලමේ තැන ගන ගැනීමේ සටනට මේවන විට අපේක්ෂකයන් තිදෙනෙකු ඉදිරිපත්ව සිටින බව වාර්තා වේ.

ඒ වත්මන් දියවඩන නිලමේ ප්‍රදීප් නිලංග දෑල බණ්ඩාර, හිටපු දියවඩන නිලමෙවරයකු වන නෙරංජන් ප්‍රියදර්ශන දූල්ලෑව විජේරත්න හා බස්නායක නිලමෙවරයකු වන ගයාන් හීන්කෙන්ද යන තිදෙනාය.

දළදා මාලිගාවට දියවඩන නිලමෙවරයකු පත්කරනු ලබන්නේ වසර 10කට වරකි. දැනට සිටින දියවඩන නිලමේ නිලංග දෑලගේ නිල කාලය ලබන ජූලි 04 වැනිදායින් අවසන් වේ.

එසේ නිල කාලය අවසන්වීමෙන් පසුව මල්වතු අස්ගිරි මහනාහිමියන්ගේ එකගතාවයෙන් බෞද්ධ කටයුතු ලේකම්වරයාගේ අනුමැතිය යටතේ ඒ සදහා දියවඩන නිලමේවරයකු පත්කර ගනියි. තුන් මසක් ඇතුළතදී මේ සදහා නිලවරණයක් පැවැත්විය යුතුබව පැවසේ.