අමු මිරිස් කරලක් රුපියල් අටයි.. රතුළුණු ගෙඩියක් 2.50යි.. හාල් මැස්සෙක් රුපියල් 2.14යි..

පාර්ලිමේන්තු මන්ත‍්‍රී රෝහිත අබේගුණවර්ධන මහතා පාර්ලිමේන්තුවට අමුමිරිස්, හාල්මැස්සන්, රතුළුෑනු ගෙනැවිත් ආණ්ඩුවට ප‍්‍රබල විවේචනයක් එල්ල කලේය.

ඔහු කියා සිටියේ අද වන විට වෙළදපලේ අමු මිරිස් කරලක් රුපියල් 08.00ක් වන බවයි. එමෙන්ම එක හාල් මැස්සෙක් රුපියල් 2.14 ක් වන බවද ඔහු පෙන්වා දුන්නේය. එක රතුළුණු ගොඩියක් රුපියල් 2.50 තෙක් මිල ඉහල ගොස් ඇති බවද ඔහු කියා සිටියේ මිලට ගත් රතුළුණු 500ක් හා එහි බිල්පත්ද සභාගත කරමිනි.

අද වන විට රටේ ආර්ථිකය දරුණු ලෙස කඩා වැටී ඇති බවත් මේ නිසා කාන්තාවන් ජීවත් වන්නේ විශාල ප‍්‍රශ්න රාශියක් මැද බවද ඔහු වැඩි දුරටත් පැවසීය. අයවැය කාරක සභා අවස්ථා විවාදය අමතමින් ඔහු මේ බව කියා සිටියේය.