රත්ගම හිටපු ප්රාදේශීය සභා සභාපති මනෝජ් මෙන්ඩිස් සහ පාතාල සාමාජිකයෙකු වන පොඩි ලැසීගේ කල්ලි අතර මෙම ගැටුම හටගෙන ඇති බවටයි වාර්තා වන්නේ. අද පස්වරුවේ සිදු වූ මෙම වෙඩි තැබීමෙන් බරපතල තුවාල ලැබූ පුද්ගලයින් දෙදෙනෙකු කරාපිටිය ශික්ෂණ රෝහලට ඇතුළත් කිරීමෙන් පසු ජීවිතක්ෂයට පත්වුණා.
මෙලෙස ඝාතනය කර ඇත්තේ 26 හැවිරිදි සහ 34 හැවිරිදි වියේ පසුවූ දොඩම්දූව ප්රදේශයේ පදිංචිව සිටි පුද්ගලයින් දෙදෙනෙක්. පොලිසිය සඳහන් කළේ ටී 56 ගිනි අවියක් උපයෝගී කර ගනිමින් මෙම වෙඩි තැබීම සිදු කර ඇති බවයි. මුහුණු ආවරණය කර ගනිමින් යතුරුපැදියකින් පැමිණි දෙදෙනෙකු විසින් වෙඩි තැබීම සිදු කර ඇති බවද පොලිසිය සිදු කළ මූලික පරීක්ෂණවල දී අනාවරණ වී තිබෙනවා.
මීට වසරකට පමණ පෙර හික්කඩුව - බද්දේගම මාර්ගයේ පතන ප්රදේශයේ වාහන අලුත් වැඩියා මධ්යස්ථානයක් පවත්වාගෙන ගිය ව්යාපාරිකයෙකුට වෙඩිතබා ඝාතනය කර තිබෙන අතර ඔහුට වෙඩි තබන ලද T56 ගිනි අවිය හමු වී ඇත්තේ අද වෙඩි ප්රහාරයට ලක් වූ දෙදෙනාගෙන් එක් අයෙකු සතුව තිබී බවද මෙතෙක් සිදු කරන ලද පරීක්ෂණවලින් අනාවරණය වී තිබෙනවා.
No comments:
Post a Comment