අවුරුද්ද අතලඟ: එළවළු මිල සියයට 50 කින් ඉහළට

දඹුල්ල තොග වෙළෙඳපොළට ඊයේ (10) ලැබුණු සියලුම එළවළුවල තොග මිල සියයට පනහකින් ඉහළ ගොස්‌ ඇතැයි එහි වෙළෙඳ සංගමයේ ප්‍රධාන සංවිධායක රංජිත් අමරවංශ මහතා පවසයි. 

ඒ අනුව ආනයනික අර්තාපල් කිලෝවක්‌ රුපියල් 98 ක්‌ ද, ලොකු ලූනු කිලෝවක්‌ රුපියල් 85 ක්‌ද, යාපනය රතුලූනු කිලෝවක්‌ රුපියල් 170 ක්‌ද, බෝංචි කිලෝවක්‌ රුපියල් 170 ක්‌ ද, දේශීය අර්තාපල් කිලෝවක්‌ රුපියල් 120 ක්‌ද, ගෝවා කිලෝවක්‌ රුපියල් 55 ක්‌ ද, තක්‌කාලි කිලෝවක්‌ රුපියල් 140 ක්‌ ද අමුමිරිස්‌ කිලෝවක්‌ රුපියල් 140 ක්‌ ද, ලීක්‌ස්‌ කිලෝවක්‌ රුපියල් 40 ක්‌ද, කැරට්‌ කිලෝවක්‌ රුපියල් 110 ක්‌ ද ලෙස තොග මිල ගණන් පැවැති බව අමරසිංහ මහතා සඳහන් කළේය.