ISIS පච්චය නිසා ගුවන් මගියා යානයෙන් බිමට ඇද දමයි.

ISIS සංවිධානයේ සළකුණ තම අතෙහි පිංතාරු කරගෙන සිටි පුද්ගලයකු ගුවන් යානයකින් ඉවත්කළ පුවතක් වාර්තා වනවා. මෙම තැනැත්තා නොර්වේ සිට ග්‍රීසිය බලා යාමට පැමිණි ගුවන් මගියෙක් වනවා.

මෙම තැනැත්තාගේ බාහුවේ ISIS සංවිධානයේ ලාංචනය පච්චයක් ලෙස පිංතාරු කර ඇති බව දුටු යානයේ කාර්ය මණ්ඩලය ගුවන් නියමුවාට මේ බව දන්වා ඇති අතර, අදාල පුද්ගලයා තම ගුවන්යානයේ රැගෙනයාම ගුවන් නියමුවා ප්‍ර‍තික්ෂේප කර තිබෙනවා. 

ඒ හේතුවෙන් ඔහු සමග පැමිණි කාන්තාවකටද ගුවන් යානයෙන් ඉවත්වන්නට සිදුව ඇති බවයි විදෙස් මාධ්‍ය පවසන්නේ. මේ සිදුවීම නිසා ගුවන් යානය පැයක පමණ ප්‍ර‍මාද වූ බවයි වාර්තා වන්නෙ.