කොදෙව්වන් පරදා ඉන්දිය කණ්ඩායමට ඉනිමක විශිෂ්ට ටෙස්ට් ජයක්…

බටහිර ඉන්දීය කොදෙව් කණ්ඩායම සමග පැවති පළමු ටෙස්ට් ක‍්‍රිකට් තරගය ඉනිමකින් සහ ලකුණු 92කින් ජයගැනීමට සංචාරක ඉන්දීය කණ්ඩායම ඊයේ (24) සමත් විය.

ඇන්ටිගුවා හි පැවති මෙම තරගයේ පළමුව පන්දුවට පහරදුන් ඉන්දීය කණ්ඩායම සිය පළමු ඉනිමට ලකුණු 566ක් ලබා ගැනීමට සමත් විය. කොදෙව් පළමු ඉනිම ලකුණු 243කට සීමා වුණු අතර ඔවුන්ට දෙවන ඉනිමේදී රැස්කර ගැනීමට හැකිවූයේ ලකුණු 231ක් පමණි.

මෙම තරගයේදී විරාත් කෝලි ද්විත්ව ශතකයක් වාර්තා කිරීමට සමත් විය. ඉන්දීය පළමු ඉනිමේදී ශතකයක් සහ කොදෙව් දෙවන ඉනිමේදී කඩුලු 7ක් දවාගත් රවිචන්ද්‍රන් අෂ්වින් තරගයේ වීරයා සම්මානය දිනා ගනු ලැබීය.