ජනපති හා ඒකාබද්ධ විපක්ෂය අතර හදිසි හමුවක්

ඒකාබද්ධ විපක්ෂයේ මන්ත්‍රීවරුන් සහ ජනාධිපති මෛත්‍රීපාල සිරිසේන මහතා අතර විශේෂ සාකච්ඡාවක් පැවැත්වීමට සැළසුම් කර ඇත.

ඒ අනුව හෙට(25) දිනයේ ජනාධිපති නිල නිවසේ දී අදාළ සාකච්ඡාව පැවැත්වීමට නියමිත අතර ඒ සඳහා ඒකාබද්ධ විපක්ෂයේ මන්ත්‍රීවරුන් වෙත ආරාධනා කර ඇති බව වාර්තා වෙයි.
ජනාධිපති ලේකම් කාර්යාලය විසින් මෙම සාකච්ඡාව සඳහා වන ආරාධනය සිදු කර තිබේ.  

මෙම සාකච්ඡාව සඳහා ඒකාබද්ධ විපක්ෂය නියෝජනය කරන මහින්දානන්ද අලුත්ගමගේ සහ ජොන්ස්ටන් ප‍්‍රනාන්දු යන මන්තී‍්‍රවරුන්ටද ආරාධනා ලැබී ඇති බව වාර්තා වෙයි.   එමෙන්ම නාමල් රාජපක්‍ෂ මන්තී‍්‍රවරයාට හා ඒකාබද්ධ විපක්‍ෂයේ ජ්‍යෙෂ්ඨ මන්තී‍්‍රවරුන් රැසකට මෙම සාකච්ඡාව සඳහා මෙතෙක් ආරාධනා ලැබී නොමැති බවද දේශපාලන ආරංචි මාර්ග පවසයි.  

ශී‍්‍ර ලංකා නිදහස් පක්‍ෂය සහ එක්සත් ජාතික පක්‍ෂය අතර ඇති කරගත් එකඟතාව අනුව පිහිටුවා ගැනුණු ජාතික ආණ්ඩුවේ කාලසීමාව තවත් වසර තුනකින් දීර්ඝ කිරීමට රජය පසුගියදා රජය තීරණය කළේය. 

ජනාධිපතිවරයා සහ ඒකාබද්ධ විපක්‍ෂය අතර හෙට (25) පැවැත්වෙන සාකච්ඡාවේදී මෙම තීරණය සම්බන්ධයෙන් සහ ආණ්ඩුවට එරෙහිව ඒකාබද්ධ විපක්‍ෂය සිදුකරන පා ගමන පිළිබඳවද සාකච්ඡා කෙරෙනු ඇති බව වාර්තා වෙයි.