වෛද්‍යවරයෙකුගේ මළ සිරුරක් හෝටල් කාමරයකින් හමුවේ

සැකකටයුතු ලෙස මියගිය ගම්පහ මහ රෝහලේ වෛද්‍යවරයෙකුගේ සිරුරක් අද (08) දින ගම්පහ හෝටල් කාමරයක තිබී හමු වී තිබේ.

මෙසේ මියගොස් ඇත්තේ ගම්පහ බණ්ඩාරනායකපුර පදිංචි එම්.එම්.කුලතිලක නමැත්තෙකි. ගම්පහ කිරිදිවිට ප්‍රදේශයේ පිහිටි හෝටල් කාමරයක තිබී මෙම වෛද්‍යවරයාගේ මළ සිරුර සොයා ගත් බව පොලිසිය සඳහන් කරයි.

මොහු ඊයේ (07) රාත්‍රියේ හෝටලේ නතර වී සිටි බව හෝටල් සේවකයින් පොලිසියට ප්‍රකාශ කර ඇති අතර එම කාමරයේ තිබි එන්නත් බෙහෙත් කුප්පි 04ක් ද හමු වූ බව පොලිස් ආරංචි මාර්ග සඳහන් කරයි.