පල්ලියේදී සොයුරා ඝාතනය කළ 3ක් අත්අඩංගුවට

ඊයේ (07) මුතුර්හි ඡින්න නගර් මිතා තකියා මුස්ලිම් පල්ලිය තුළදි පුද්ගලයින් තිදෙනෙකු විසින් තවත් එක් පුද්ගලයෙකු කඩුවකින් සහ පිහියකින් කොටා ඝාතනය කර ඇති බව පොලීසිය සඳහන් කරයි.

මෙම ඝාතනය එකම පවුලේ සහෝදරයන් තිදෙනෙකු විසින් ඝාතනය සිදු කර ඇති බව වාර්තා වේ. ඝාතනයට ලක්වූ පුද්ගලයා සහ සැකකරුවන් තිදෙනා වන සහෝදරයින් අතර කලක පටන් තිබූ අමනාපයක් හේතුවෙන් මෙම ඝාතනය සිදුකර ඇති බවට පොලිස් විමාර්ශන වලින් හෙළි වී තිබේ.

සිද්ධිය සම්බන්ධයෙන් සැකපිට සහෝදරයන් තිදෙනා අත්අඩංගුවට ගෙන ඇති අතර ඔවුන් අද මුතූර් මහේස්ත්‍රාත් අධිකරණයට ඉදිරිපත් කිරීමට නියමිතය.