සේරුවිල විහාරාධිපති ගැන 11 වැනිදාට පසු ප්‍රකාශයක්

සේරුවිල මංගල රාජමහා විහාරාධිපති ලෙස කැලණිය විශ්ව විද්‍යාලයේ ජ්‍යෙෂ්ඨ කථිකාචාර්ය මුංහේනේ මෙත්තාරාම හිමියන් පත් කිරීම සම්බන්ධයෙන් ලබන 11 වැනිදායින් පසු ප්‍රකාශයක් කරන බව අමරපුර ශ්‍රී කල්‍යාන වංශ මහා නිකායේ මහනායක දොඩම්පහල චන්ද්‍රසිරි හිමියෝ ඊයේ (08)  ප්‍රකාශ කළහ.

ත්‍රිකුණාමලයේ සිට බස්වලින් ආ පිරිසක් විහාරස්ථානය ඉදිරිපිට ඊයේ උද්ඝෝෂණයක් පැවැත්වීම සම්බන්ධයෙන් අදහස් දක්වමින් මහා නායක  හිමියෝ එසේ පැවසූහ. අපවත් වී වදාල සේරුවිල සරණකිත්ති නාහිමියන්ගේ අපවත්වීමෙන් පසු  මෙත්තාරාම හිමියෝ විහාරධිපති ලෙස පත් කරනු ලැබූහ.