ලග්ගල පොලීසියේ 9කට හදිසි ස්ථාන මාරු

ලග්ගල පොලිසියේ සේවය කළ පොලිස් නිලධාරීන් 09 දෙනෙකුට පොලිස්පතිවරයාගේ නියෝගයෙන් වහාම ක්‍රියාත්මක වන පරිදි ස්ථාන මාරුවීම් ලබා දී ඇති බව පොලිස් ආරංචි මාර්ග සඳහන් කරයි.

මෙසේ ස්ථානමාරුවීම් ලැබූ අය අතර උප පොලිස් පරීක්ෂකවරයෙක්, පොලිස් සැරයන්වරු 04දෙනෙක් හා පොලිස් කොස්තාපල්වරු 04දෙනෙක් ඇතුලත් වන බව වාර්තා වේ.

මෙම ස්ථාන මාරුවීම් ලබාදීමට හේතුවක් මේ වන විටත් නොදන්වා ඇති බවත් පසුගිය අප්‍රේල් 13 වැනි දින ලග්ගල පොලිසියේ ගිනි අවි 06ක් අතුරුදන් වීම සම්බන්ධයෙන් රහස් පොලිසිය මෙම පොලිස් නිලධරීන්ගෙන් ප්‍රකාශ සටහන් කරගෙන ඇති බවත් පොලිස් ආරංචි මාර්ග වැඩිදුරටත් සඳහන් කර සිටී.