බන්දුලත් මෛත්‍රීගේ තුරුළට (EXCLUSIVE)

හිටපු අමාත්‍යවරයෙකු මේ වනවිටත් මහින්ද පිල සමග කටයුතු කරන බන්දුල ගුණවර්ධන මහතා ලඟදීම ප්‍රබල අමාත්‍ය ධුරයක්ද සමග වත්මන් ආණ්ඩුවට එක්වීමට නියමිත බව ඉතා විශ්වාසකටයුතු ආරංචිමාර්ග සඳහන් කරයි.

පසුගිය සෙනසුරාදා (16) රාත්‍රියේ ප්‍රාදේශීය සභා මන්ත්‍රීවරු පිරිසක් සිය නිවසට කැඳවා බෝජන සංග්‍රහයක් පවත්වා ඇති බන්දුල ගුණවර්ධන මන්ත්‍රීවරයා ඔවුන් සමග පවසා ඇත්තේ තමා කොයි ආණ්ඩුවේත් ඇමතිකම් ලබා සිටි කෙනෙක් බවත් ළඟදීම මේ ආණ්ඩුවේත් ප්‍රබල ඇමතිකමක් තමා සතුවන බවත්ය.

මේ වනවිට මහින්ද රාජපක්ෂ හිටපු ජනාධිපතිවරයා වටා සිටින විශේෂයෙන් ශ්‍රී ලංකා නිදහස් පක්ෂයේ පිරිස් මෛත්‍රීපාල සිරිසේන ජනාධිපතිතුමා සමග එක්වෙමින් තම තමන්ගේ දේශපාලන බලය ආරක්ෂා කරගැනීමට රහස් සාකච්චා පවත්වමින් සිටින බවත් බන්දුල ගුණවර්ධන මහතා මෙවැනි සාකච්ඡා වට කිහිපයක්ම පවත්වා ඇති බවත් එම ආරංචිමාර්ග සඳහන් කරයි.

බන්දුල ගුණවර්ධන මහතාට ලබා දෙන ඇමති ධුරය හා ඊට අදාළ විශයයන් ගැන මේ වනවිට සාකච්ඡා කරමින් පවතින බවත් ඉතා නුදුරේදීම එම සකච්ඡා ඔහු වත්මන් මෛත්‍රී-රනිල් ආණ්ඩුවට එක්වනු ඇති බවත් එම ආරංචිමාර්ග වැඩිදුරටත් සඳහන් කරයි.

උපුටා ගැනීම : rawtv.lk