තාජුඩීන් ඝාතනය රිය අනතුරක්‌ ලෙස පෙන්වන්නැයි කිව්වා – අයි.පී සුමීත්

තාජුඩීන්ගේ මරණය ඝාතනයක්‌ ලෙසට නොපෙන්වා මාර්ග රිය අනතුරක්‌ ලෙසට හුවා දක්‌වන ලෙසට තම ජ්‍යෙෂ්ඨ නිලධාරීන් ලබා දුන් උපදෙස්‌ අනුව තමා කටයුතු කළ බව රගර් ක්‍රීඩක මොහොමඩ් වසීම් තාජුඩීන්ගේ ඝාතනයේ තොරතුරු වසන් කිරීමේ චෝදනාව යටතේ අත්අඩංගුවට ගත් පොලිස්‌ පරීක්‍ෂක සුමිත් පෙරේරා මහතා ප්‍රකාශ ලබාදී ඇතැයි අපරාධ පරීක්‍ෂණ දෙපාර්තමේන්තුව කොළඹ අතිරේක මහෙස්‌ත්‍රාත් අධිකරණයට දන්වා තිබේ.

එම ඝාතනය සම්බන්ධයෙන් වැඩිදුර පරීක්‍ෂණ සිදු නොකර රිය අනතුරකින් සිදු වූවක්‌ ලෙසට හුවා දක්‌වා කටයුතු කරන්නැයි එම නිලධාරීන් ලබාදුන් උපදෙස්‌ අනුව තම කටයුතු කළේ යෑයිද සැකකාර පොලිස්‌ පරීක්‍ෂකවරයා තම දෙපාර්තමේන්තුවට ප්‍රකාශ ලබා දුන් බව ද අපරාධ පරීක්‍ෂණ දෙපාර්තමේන්තුව වැඩිදුර වාර්තාවක්‌ මගින් අධිකරණයට පෙන්වා දී තිබේ.