පිට්බුල්ගේ වීඩියෝවකට ලාංකික නිළියක් (PHOTOS)

ජනප්‍රිය රැප් ගායකයෙකු වන පිට්බුල්ගේ අලුත්ම මියුසික් වීඩියෝව සඳහා මෙරට රූප රාජිනියක් වන බොලිවුඩ් සිනමා නිළි ජැකලින් ෆර්නැන්ඩස් තෝරාගෙන ඇති බවට “බිස්නස් ඔෆ් සිනමා” වෙබ් අඩවිය සඳහන් කරයි.

2013 වසරේදී බොලිවුඩ් සුපිරි නිළි ප්‍රියංකා චොප්රා සමගින් “Exotic” ගීතය ගායනා කරමින් ආසියාවේ ඉහළ ජනප්‍රියත්වයක් හිමිකරගත් පිට්බුල් තම අලුත්ම මියුසික් වීඩියෝව සඳහා තවත් ඇමෙරිකානු රැප් ගායකයෙකු වූ අර්මෙන්ඩ් ක්‍රිස්ටියන් ද සම්බන්ධ කරගෙන තිබෙන බවට තොරතුරු වාර්තා වෙනවා.

ජැකලින් ජාත්‍යන්තර මියුසික් විඩියෝවක් සඳහා සම්බන්ධ වන පළමු අවස්ථාව මෙය වීම විශේෂත්වයක් ලෙසයි වාර්තා වන්නේ.
මෙම මියුසික් වීඩියෝව සඳහා ජැකලින්ට අමතරව සෝනම් කපූර්, කංගනා රනවුත්ගේ නම් ද යෝජනා වී තිබුණ ද අවසානයේ පිට්බුල්ගේ කැමැත්ත ලැබී ඇත්තේ ජැකලින්ටයි.

මියුසික් වීඩියෝවට සම්බන්ධ ගිවිසුම සඳහා ජැකලින් අත්සන් තබා ඇති අතර, මාර්තු මාසයේ අවසන් සතියේදී හෝ අප්‍රේල් මාසයේ මුල් සතියේදී මෙම මියුසික් වීඩියෝවේ රූපගත කිරීම් කටයුතු සිදු කරන්නට බලාපොරොත්තුවෙන සිටින බව “බිස්නස් ඔෆ් සිනමා” වෙබ් අඩවිය වැඩිදුරටත් සඳහන් කර තිබේ.

ඡායාරූප පහතින්...