මාලු අරන් ඉගිලෙන්න ගිහින් මරු දකී (PHOTOS)

මන්නාරම - තලෙයිමන්නාරම ප්‍රධාන මාර්ගයේ ඊයේ (13) සිදු වූ රිය අනතුරකින් පුද්ග‍ලයෙකු මරණයට පත් ව තවත් පුද්ගලයෙකු බරපතල තුවාල ලබා ඇති බව මන්නාරම පොලීසිය සඳහන් කරයි.

තලෙයිමන්නාරම ප්‍රදේශයේ සිට අනුරාධපුරය දක්වා මාලු ප්‍රවාහනය කරන ලොරි රථයක් මාර්ගය ආසන්නයේ තිබූ තල් ගසක වැදීමෙන් මෙම අනතුර සිදු වී ඇත.

අධික වේගයෙන් පැමිණි ලොරි රථයේ රියැදුරුට වේගය පාලනය කර ගැනීමට නොහැකිවීමෙන් ලොරි රථ‍ය මාර්ගයෙන් ඉවතට පැන මාර්ගය ආසන්නයේ තල් ගසක වැදීම හේතුවෙන් මෙම අනතුර සිදු ව ඇති බව ද පොලීසිය ප්‍රකාශ කරයි.

අනුරාධපුර ප්‍රදේශයේ පදිංචි ඩී.ජී. දීපාල් චන්දන නමැති 46 හැවිරිදි පුද්ගලයෙකු අදාළ ස්ථානයේ දී ම මරණයට පත් ව ඇති අතර ලොරි රථයේ රියැදුරු තුවාල ලබා මන්නාරම රෝහලට ඇතුළත් කර තිබේ.

වන්නි - රොමේෂ් මධුෂංඛ