බේකරි නිෂ්පාදන 5කින් වැඩිකරයි !

සියලුම බේකරි නිෂ්පාදනවල මිල රුපියල් 5 කින් ඉහළ දමා ඇති බව බේකරි හිමියන්ගේ සංගමයේ සභාපති එන්.කේ.ජයවර්ධන මහතා පැවසීය.

නව බදු මත සියලු භාණ්ඩ මිල ඉහළ යාම හමුවේ බේකරි නිෂ්පාදනවල මිල ඉහළ නැංවීමට සිදුව ඇති බවද ඔහු කියා සිටී. කෙසේවුවද ඒ පිළිබදව බේකරි හිමියන්ගේ සංගමය පාරිභෝගික අධිකාරිය දැනුවත් කර නොමැති බවද පැවසේ.

අධිකාරිය පසුගියදා පැවසුවේ දැනුම් දීමකින් තොරව බේකරි නිශ්පාදන මිළ ඉහළ දැමීමක් සිදුවුවහොත් ඊට අදාළ වැටලීම් ආරම්භ කරන බවයි. කෙසේවුවද බේකරි නිශ්පාදන සඳහා මිල පාලනයක් නොවන බැවින් වැටලීම් කළ නොහැකි බව බේකරි හිමියන්ගේ සංගමයේ සභාපතිවරයා කියා සිටී.

මිල ඉහළ යාමත් සමග ඒවා අලෙවි කර ගැනීමේ දැඩි දූෂ්කරතාවකට බේකරි හිමියන් මුහුණ දී සිටින බව ද ජයවර්ධන මහතා පැවසීය.