මෙවරත් වසරේ ක‍්‍රීඩකයා මෙසී

පස්වැනි වරටත් වසරේ පාපන්දු ක‍්‍රීඩකයා ලෙස ‘බැලොන් දෝර්’ සම්මානය දිනාගැනීමට ආර්ජන්ටිනාවේ සුපිරි පාපන්දු ක‍්‍රීඩක ලයනල් මෙසී සමත්වී ඇතැයි විදෙස් මාධ්‍ය වාර්තා කරයි.

ඔහු මෙම සම්මානය දිනාගත්තේ පෘතුගාල ජාතික කි‍්‍රස්ටියානෝ රොනාල්ඩෝ හා බ‍්‍රසීල ජාතික නේමාර් ද සිල්වා යන ජගත් පාපන්දු පිටියේ සුපිරි ක‍්‍රීඩකයින් අභිබවාය. විසිඅට හැවිරිදි ලයනල් මෙසී ඡන්ද වලින් 41.33%ක් දිනාගත් අතර ක්‍රිස්ටියානෝ රොනල්ඩෝ සහ නේමාර් පිළිවෙලින් ඡන්ද වලින් 27.76% ක් සහ 7.86% ක් දිනාගත්තෝය.

වසරේ හොඳම පාපන්දු කී‍්‍රඩිකාව ලෙස ඇමෙරිකානු ජාතික කාලි ලොයිඩ් සම්මාන දිනාගත් අතර වසරේ හොදම පුහුණුකරු ලෙස බාසිලෝනා කණ්ඩායමේ පුහුණුකරු ලුයිස් එන්රික් සම්මාන දිනාගත්තේය. කාන්තා පාපන්දු ක්‍රීඩාවෙහි වසරේ හොඳම පුහුණුකරුට හිමි සම්මානය දිනාගත්තේ ඇමෙරිකානු කණ්ඩායමේ පුහුණුකරු ජිල් එලිස් විසිනි.