රණවිරුවන් සිහිකර 'මහින්ද' දානමය පිංකමක (PHOTOS

30 වසරක කුරිරු ත්‍රස්තවාදයෙන් මාතෘ භුමිය නිදහස් කිරීමට දිවි පුජාකල රණවිරුවන් සිහිපත් කරමින් පිං අනුමෝදන් කිරීමට හිටපු ජනාධිපති මහින්ද රාජපක්ෂ මහතාගේ ප්‍රධානත්වයෙන් අද (19) උදෑසන නාරාහේන්පිට අභයාරාමයේදී දානමය පිංකමක් පැවැත්විණි.

එහිදී මහා සංඝරත්නයට පිරිකර පුජා කිරීමද මහින්ද රාජපක්ෂ මහතා අතින් සිදු විය. මෙම දානමය පිංකම පාර්ලිමේන්තු මන්ත්‍රී බන්දුල ගුණවර්ධන මහතා විසින් සංවිධානය කර තිබුණි.

එම පිංකමට සහභාගී වූ ජාතික නිදහස් පෙරමුණේ මාධ්‍ය ප්‍රකාශක මොහොමඩ් මුසම්මිල් මහතාද සංඝරත්නයට දානය පිළිගන්විණි.