ඌව පළාත් සභාවේ මංගල සැසිය නීති විරෝධීයි

පසුගියදා පැවුත් වූ ඌව පළාත් සභාවේ මංගල සැසි වාරය නීති විරෝධී බවත් එම රැස්වීම යළිත් පවත්වා සභාපතිවරයෙකු සහ උප සභාපතිවරයෙකු නැවත පත් කර ගැනීමට අවස්ථාව සලසා දෙන ලෙසත් ඉල්ලා ඌව පළාත් සභා එ.ජා.ප. මන්ත‍්‍රී ර.මු. රත්නායක මහතා ආණ්ඩුකාර නන්ද මැතිව් මහතා වෙත ලිපියක් යවමින් ඉල්ලා ඇත.

ආණ්ඩුක‍්‍රම ව්‍යවස්ථාවේ 13 වැනි සංශෝධනයේ 154 ඊ 1 වගන්තිය අනුව මංගල රැස්වීම පැවැත්වීමට ප‍්‍රථම අමාත්‍ය මණ්ඩලය දිවුරුම් දී නැති නම් ඒ රැස්වීම නීත්‍යානුකූල නොවන බව රත්නායක මහතා ආණ්ඩුකාරවරයා වෙත යැවූ ලිපියෙන් පවසා ඇත.

ඒ අනුව නැවතත් ප‍්‍රථම රුස්වීම පවත්වා සභාපතිවරයෙකු සහ උප සභාපතිවරයෙකු නැවතත් පත් කර ගැනීමට අවශ්‍ය කටයුතු සලසන්නැයි ද එ.ජා.ප. මන්ත‍්‍රීවරයා සිය ලිපියෙන් වැඩිදුරටත් ඉල්ලා සිටී.