කොළඹ වරාය නගරයේ නිර්මාණය කර ඇති කෘතිම වෙරළ සහ මහජනයාට රැඳී සිටීමට නිර්මාණය කරන ලද ප්රදේශය මෙම වසරේ අගෝස්තු මාසයේ දී විවෘත කිරීමට හැකියාව ඇති බව වාර්තා වේ.
මෙම නව ප්රදේශය ගාලු මුවදොර පිටිය හා සම්බන්ධව ඇති අතර පාලමක් මඟින් මෙම ප්රදේශයන් යා කොට ඇත. එම නිසා ගාලු මුවදොර පිටිය සහ වරාය නගරය අතර ජනතාවට විනෝදාස්වාදය සඳහා කදිම ස්ථානයක් වනු ඇති බවද සඳහන් වේ.
මෙම කෘතිම වෙරළ තීරය කිලෝ මීටර් 1.5ක් දිගින් යුක්ත වෙන අතර මීටර් 50ක පළලින් යුක්ත වෙන බව කොළඹ වරාය නගරයේ පාරිසරික කළමනාකරණය සැලසුම් කණ්ඩායමේ ප්රධානී ඩබ්ලිව්.ඒ.ඩී.ඩී විජේසූරිය මහතා පවසා සිටියි.
ඔහු වැඩිදුරටත් පවසා සිටියේ මෙම ඉදිවෙන ප්රදේශය තුළ විහාර මහාදේවි උද්යානය මෙන් හරිත ප්රදේශයක් ඉදිවෙන බවත්, මෙම සම්පුර්ණ ප්රදේශය ගාලු මුවදොර පිටිය මෙන් පස් ගුණයක විශාලත්වයකින් යුක්ත වෙන බවයි.
එමෙන්ම මෙම ප්රදේශයට නොමිලේ ඇතුළු වීමටද හැකියාව ඇති බව ඔහු සඳහන් කර තිබිණි.
No comments:
Post a Comment