මහින්දට යළි නාම යෝජනා නෑ - පක්ෂයේ බලය ගිලිහෙන ලකුණු

ඉදිරි මැතිවරණයකදි හිටපු ජනාධිපති මහින්ද රාජපක්ෂට ශ්‍රී ලංකා නිදහස් පක්ෂයෙන් නාමයෝජනා හිමි නොවන බව එම පක්ෂයේ මහලේකම් අමාත්‍ය දුමින්ද දිසානායක මහතා පවසයි.

මහින්ද රාජපක්ෂ මහතාට දේශපාලන අනාගතයක් නොමැති බවද අනුරාධපුර - තිරප්පනේ ප්‍රදේශයේ පැවති ජනහමුවකට එක්වෙමින් අමාත්‍යවරයා සඳහන් කළේය. මහින්ද රාජපක්ෂ මහතා සමග ඇත්තේ හිතවත්කමේ, ගෞරවයේ, සැලකිල්ලේ ප්‍රශ්නයක් නොමැති බවත් පැවසූ අමාත්‍යවරයා හිටපු ජනාධිපතිවරයා සමග ආණ්ඩුවට පවතින්නේ ඔහු රට පාලනය කළ ආකාරය සම්බන්ධයෙන් ගත් වැරදි ක්‍රියාමාර්ගයක් බවත් කියා සිටියේය.

පක්ෂය ගැන කැක්කුමක් තිබුණානම් මහින්ද රාජපක්ෂ මහතාට දෙවැනි නායකත්වයක් බිහිකිරීමට පක්ෂය තුළ ඉඩලබා දී නොතිබූ බවත් ඔහුගේ පවුලට හා සහෝදරයින්ට හැර පක්ෂයේ දෙවැනි තෙවැනි නායකත්වයක් බිහි කිරීමට කටයුතු නොකල බවත් දුමින්ද දිසානායක අමාත්‍යවරයා වැඩිදුරටත් පැවසී ය.


Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment