"ත්‍රස්‌තවාදය තවමත් අවසන් නෑ" - අගමැති කියයි

රටේ පැවැති යුද ගැටුම් අවසන් වුවත් ත‍්‍රස්තවාදය අවසන් වී නැති බව අග්‍රාමාත්‍ය රනිල් වික්‍රමසිංහ මහතා පවසයි. කොළඹ ගාලූමුවදොර හෝටලයේ දී ඊයේ  (13) පැවැති කලාපීය සහයෝගීතාව සඳහා වූ දකුණු ආසියානු සංවිධානයේ අභ්‍යන්තර හා ස්වදේශ කටයුතු අමාත්‍යවරුන්ගේ 8 වැනි වාර්ෂික සමුළුවේ ආරම්භක සැසිවාරයේ ප‍්‍රධාන ආරාධිත අමුත්තා ලෙස සහභාගි වෙමින් අග‍්‍රමාත්‍යවරයා මේ බව පැවැසීය.

සෑම රටක්ම මුහුණ දී තිබෙන ත‍්‍රස්තවාදය පිටු දැකීම සඳහා පොදු අරමුණක් සහිතව කලාපීය වශයෙන් ශක්තිමත්ව කටයුතු කළ යුතු බව ද අගමැතිවරයා කියයි. ‘‘අපට ත‍්‍රස්තවාදය පිළිබඳ දීර්ඝ අත්දැකීමක් තිබෙනවා. වාසනාවකට අපි ආයුද ගැටුම අවසන් කිරීමට සමත්වුණා. යුද්ධය එසේත් නැතිනම් ආයුද සටන් අවසන් වූ පමණින් ත‍්‍රස්තවාදය අවසන් වන්නේ නැහැ. ඒ නිසා අපි කලාපයට ආවේණික දෙයක් කළේ. 

අපි ප‍්‍රධාන පක්ෂ දෙකේ සහභාගීත්වයෙන් ජාතික ආණ්ඩුවක් පිහිටෙව්වා.“ යැයි ඒ අගමැතිවරයා ප්‍රකාශ කරයි. කලාපයේ රටවල් අතරේ ශක්තිමත් ද්විපාර්ශවීක සබඳතා ඇති කරගන්න අතරේම කලාපයෙන් පිටත රටවල් සමඟ ශක්තිමත් ද්විපාර්ශවීක සබඳතා ඇති කරගත යුතු බවත් ඉදිරියට යා හැකි එකම මඟ එය බවත් අග‍්‍රමාත්‍ය රනිල් වික‍්‍රමසිංහ මහතා එහිදි පෙන්වා දුන්නේය.


Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment