මහනුවර මහ රෝහලේ හෙදියව මත්කර කරපුදේ මෙන්න

මහනුවර මහ රෝහලේ තමන් සමග එකම වාට්ටුවේ සේවය කරමින් සිටි ඥාති සොහොයුරියට මත් බීමක් ලබා දී ඇය සිහි මුර්ජා වීමෙන් අනතුරුව ඇය සතු බංකු ගිණුම් වලින් ව්‍යජ අත්සන් යොදා රුපියල් හය ලක්ෂ අනූ දහසක මුදලක් වංචනිකව ලබාගත් බව කියන මහනුවර මහ රෝහලේ හෙදියක මහනුවර කොට්ඨාස විශේෂ අපරාධ විමර්ශණ අංශය මගින් පසුගියදා (14) අත්අඩංගුවට ගනු ලැබ ඇත.

විසි නව හැවිරිදි හෙදියක වන අදාළ ඥාති සොහොයුරිය දිවුල් සමග මිශ්‍ර වූ මත් බීම පානය කිරීමෙන් අනතුරුව මහනුවර මහ‍ රෝහලට ඇතුළත් කෙරුණු අතර පසුව අසාධ්‍ය තත්ත්වයෙන් එහි දැඩි සත්කාර ඒකකයට යොමු කෙරිණි. සැකකාර හෙදිය තම ඥාති සොහොයුරිය රෝහල්ගතව සිටියදී මහනුවර නගරයේ පිහිටි බංකු තුනකින් ව්‍යාජ අත්සන් යොදා රුපියල් අනූ දහසක්,රුපියල් ලක්ෂ හතරක්,ලක්ෂ දෙකක් වශයෙන් මුදල් ලබාගෙන ඇතැයි පොලිස් පරීක්ෂණ වලින් අනාවරණය වේ.

මේ අතර ඇය තම සොහොයුරිය නමින් පෙනී සිටිමින් ව්‍යාජ ලේඛණ සකසා රුපියල් ලක්ෂ දහ හතක ණය මුදලක්ද සොහොයුරිය නමින් ඉල්ලුම් කැර ඇතැයි පොලිස් පරීක්ෂණ වලින් අනාවරණය වේ. මහනුවර මහ රොහලේ සේවයට පැමිණීමෙන් පසු සැකකාර හෙදිය අනෙක් හෙදිය හා මිත්‍ර වීමෙන් අනතුරුව තම සැමියාගේ සොහොයුරා ඇයට විවාහ කැර දී ඇත.ඉන් පසු ඔවුන් ඥාති සොහොයුරියන් බවට පත්ව ඇත.

මෙම සැකකාර හෙදිය දිගින් දිගින් දිගටම සිදු කැර අතැයි කියන වංචා සිද්ධීන් ඇතුඵ අපරාධ සම්බන්ධයෙන් මහනුවර කොට්ඨාස භාර ජේ්‍යෂ්ඨ පොලිස් අධිකාරි එඩ්මන් මහේන්ද්‍ර මහතාගේ උපදෙස් මත මහනුවර කොට්ඨාස විශේෂ අපරාධ විමර්ශණ අංශයේ ස්ථානාධිපති පොලිස් පරීක්ෂක එස්.බී.ගුරුනායක මහතාගේ මෙහෙයවීමෙන් පොලිස් කොස්තාපල් ජානක කරුණාතිලක (33026)) මහතා ඇතුඵ නිළධාරීහු පිරිසක් මෙහි වැඩිදුර පරීක්ෂණ පවත්වති.
Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment