දූෂණ චෝදනා ලැබූ උතුරේ අධ්‍යාපන ඇමති ඉල්ලා අස්වෙයි..

උතුරු පළාත් සභාවේ අධ්‍යාපන අමාත්‍යවරයාත්, කෘෂිකර්ම අමාත්‍යවරයාත් දූෂණ චෝදනාවලට වරදකරුවන් වී ඇති බව පසුගිය 6 වැනිදා උතුරු පළාත් සභාව තුළ ප්‍රකාශ විය.

උතුරු පළාත් සභාවේ අමාත්‍යවරුන් හතර දෙනාට දූෂණ හා වංචා චෝදනා ඉදිරිපත් වීමෙන් පසුව ඒ ගැන සොයා බැලීමට ප්‍රධාන අමාත්‍යවරයා විසින් ත්‍රිපුද්ගල කමිටුවක් පත් කළ අතර එම කමිටුවේ වාර්තාව මේ වන විට ප්‍රධාන අමාත්‍යවරයා වෙත භාරදී තිබේ. පිටු 80 කින් සමන්විත එම වාර්තාවට අනුව වුවත් ඒ ගැන අවසන් තීරණයක් ගැනීමට ලබන 14 වැනිදා විවාදයක් පැවැත්විය යුතු බවට උතුරු පළාත් සභාව තීරණයක් ගෙන ඇත.

තත්ත්වය එසේ තිබියදී ඊට ප්‍රථමයෙන් උතුරු පළාත් සභාවේ අධ්‍යාපන අමාත්‍ය එස්. කුරුකුලරාජා සිය අමාත්‍ය ධුරයෙන් ඉල්ලා අස්වීමේ ලිපිය පසුගිය සිකුරාදා (09 දා) ඉලංකෙයි තමිල් අරුසුකච්චි පක්ෂයේ නායක පාර්ලිමේන්තු මන්ත්‍රි මාවෙයි සේනාධිරාජා වෙත භාරදී තිබේ.
Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment