විකෘති කළ නෝට්ටු භාර ගැනීම මහ බැංකුව නවත්වයි

විකෘති කරන ලද, වෙනස් කරන ලද හෝ හානි කරන ලද මුදල් නෝට්ටු මෙම වසරේ දෙසැම්බර් 31 වනදායින් පසු භාර නොගන්නා බව  ශ්‍රී ලංකා මහ බැංකුව පවසනවා.

නිවේදනයක් නිකුත් කරමින් මහ බැංකුව සඳහන් කරන්නේ ව්‍යවහාර නෝට්ටු විකෘති කිරීම, වෙනස් කිරීම හා හානි කිරීම දඩුවම් ලැබිය හැකි වරදක් බවයි. ඒ අනුව, මුදල් නීති පනත යටතේ සිරගත කිරීම හෝ දඩ මුදලකට යටත් කිරීම හෝ එම දඩුවම් දෙකම ලබා දිය හැකියි.

හානියට පත් මුදල් නෝට්ටු ශ්‍රී ලංකා මහ බැංකුව භාරයේ රඳවා තබා ගන්නා අතර ඒ සඳහා කිසිදු ගෙවීමක් ද නොකරන බව සඳහන්. ඒ අනුව, විකෘති කරන ලද, වෙනස් කරන ලද හෝ හානි කරන ලද මුදල් නෝට්ටු ඇත්නම් කඩිනමින් බලපත්‍ර ලාභී වාණිජ බැංකු ශාඛාවන් සමග හුවමාරු කරගන්නා ලෙසට ශ්‍රී ලංකා මහ බැංකුව ජනතාවගෙන් ඉල්ලා සිටිනවා.
Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment