ජූලි 10 සිට ත්‍රී රෝද ගාස්තුවත් ඉහළට - නව ගාස්තු මෙන්න

ජූලි මස 10 වන දින සිට බලපැවැත්වෙන පරිදි ත්‍රී රෝද කුලී ගාස්තුව පළමු කිලෝමීටරයට රුපියල් 10න් වැඩිකරන බව ස්වයං රැකියා වෘත්තිකයින්ගේ ජාතික ත්‍රී රෝද රථ සංගමය පවසයි.

මේවන විට ත්‍රී රෝද රථ අමතර කොටස්වල මිල ඉහළ ගොස් ඇති බව හා ඒ නිසා වෘත්තීය ත්‍රී රෝද රථ රියදුරන් දැඩි ආර්ථික අපහසුතාවන්ට පත්ව ඇති බව එහි සභාපති සුනිල් ජයවර්ධන මහතා පැවසී ය. එම නිසා ජනතාවට වඩා හොඳ ප්‍රවාහන සේවයක් සැපයීමේ අරමුණෙන් පළමු කිලෝ මීටරයේ මිල රු.10 න් ඉහළ නංවා ඇති නමුත්, දෙවන කිලෝ මීටරයේ සිට සුපුරුදු ලෙස රු.40 බැගින් අය කරන බවත් ඔහු පෙන්වා දුන්නේය.
පිට පළාත්වලින් කොළඹ නගරයට ඇතුළු වන ත්‍රී රෝද රථ හා නීති විරෝධී ලෙස හොර පාරෙන් ලබා ගත් බලපත්‍ර මගින් හෝ දඩ කොළ වලින් දුවන ත්‍රී රෝද රථ නිසාත්, වෘත්තීය රියදුරු නොවන පිරිස් නිසාත් බස්නාහිර පළාත තුළ රථ වාහන තදබදය ඉහළ ගොස් ඇති බව ඔහු වැඩිදුරටත් පැවසී ය. ඔහු මේ බව පැවසූවේ ඊයේ (17) කොළඹ පැවති මාධ්‍ය හමුවකදීය.


Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment