ශ්රීලනිප ආර්ථික ප්රතිපත්ති පිළිනොගෙන, තවදුරටත් ශ්රීලනිප ප්රතිපත්තිවලට එරෙහි ආර්ථික තීන්දු ගන්නේ නම් ශ්රීලනිප කණ්ඩායම ඉදිරියේ දී ආණ්ඩුවෙන් ඉවත්ව පාර්ලිමේන්තුවේ විපක්ෂ කණ්ඩායම ලෙස කටයුතු කරන බව අමාත්ය සුසිල් ප්රේම්ජයන්ත මහතා පවසයි.
මේ බව ජනපතිවරයාට දැනුම් දී ඇති බවත්, තීරණාත්මක වෙනසක් සිදු නොවුණොත් ශ්රීලනිපය, එජාපයට තනිව ආණ්ඩුව කරගන්නට ඉඩ හැර ඉවත් වීමට දෙවරක් නොසිතන බවත් ඔහු අවධාරණය කළේය. මේ වන විට රට විශාල ආර්ථික ගැටලූවකට මුහුණදී තිබෙන බවත්, එයට හේතුව එක්සත් ජාතික පක්ෂයේ ආර්ථිකය සම්බන්ධ තීරණ ගන්නා කණ්ඩායම ශ්රීලනිප ප්රතිපත්ති නොසලකා තීරන ගැනීම බවත් ඔහු පෙන්වාදුන්නේය.
එජාපය සිය ප්රතිපත්ති අනුව ආර්ථික සැලසුම් සකස් කිරීමට නම් ඔවුන්ගේ තනි ආණ්ඩුවක් නිර්මාණය කරගත යුතු බවත් හවුල් ආණ්ඩුවක් ලෙස කටයුතු කරන්නේ නම් දෙපාර්ශ්වයටම එකඟ විය හැකි ආර්ථික සැලසුම් ක්රියාත්මක කළ යුතු බවත් සුසිල් ප්රේම්ජයන්ත ඇමැතිවරයා කීය.
කැබිනට් සංශෝධනයක් සම්බන්ධයෙන් මේ දිනවල ඉදිරිපත් වී ඇති යෝජනාවලට ප්රධාන හේතුවක් වී ඇත්තේ ද මුදල් අමාත්ය රවී කරුණානායක ඇතා ඇතුළු ආර්ථික සම්බන්ධයෙන් තීරණ ගන්නා එජාපය නියෝජනය කරන අමාත්යවරුන්ගේ තනතුරුවල වෙනසක් කළ යුතු බවට ශ්රීලනිපය ඉදිරිපත් කර ඇති යෝජනා වන අතර එම කැබිනට් සංශෝධනය එජාප බලපෑම් හමුවේ දිනෙන් දින පසුපසට යෑම ද ඉහත ශ්රීලනිප අමාත්යවරුන්ගේ විරෝධයට හේතු වී ඇත.
– රාවය
Friday, May 19, 2017
ආණ්ඩුවෙන් යනවා..- සුසිල්
Tags
# දේශපාලන පුවත්
Share This
About විගස පුවත් I Vigasapuwath
දේශපාලන පුවත්
Labels:
දේශපාලන පුවත්
Subscribe to:
Post Comments (Atom)
Post Bottom Ad
Author Details
විගස පුවත් වෙබ් අඩවිය මෙරට දේශපාලන ප්රවෘත්ති පාඨක ජනතාවට සැපයීමේ අරමුණින් ක්රියාත්මක වන ප්රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු.
(බාහිර වෙබ් අඩවි වලින් ගනු ලබන තොරතුරු වල සත්යතාවය පිලිබදව අප වගකීම් නොදරන බව කාරුණිකව සලකන්න.)
No comments:
Post a Comment