කොච්චිකඩේ හෝටලයක මධුසමය ගත කරමින් සිටි මනාලියව ඥාතීන් ඇවිත් අරන් ගිහින්

අලුත ගෙනා මනමාලි එක්ක මධුසමය ගතකරන්න කොච්චිකඩේ ප්‍රදේශයේ පිහිටි හෝටලයකට ගිය මනාලයෙකුට අපූරු සිද්ධියක් වෙලා තියෙනවා.  මනාලයාට අවුරුදු 26ක් වන බවත් මනාලියට අවුරුදු 21ක් වන බවත් පැවසෙනවා. ඔවුන් දෙදෙනා විවාහ වී ඇත්තේ මංගල යෝජනාවකට අනුවයි.

නව යුවළ හෝටලයේ මධුසමය ගතකරමින් සිටින අතරදී එම හෝටලයට කඩා වැදුණු මනාලියගේ ඥාතීන් පිරිසක් මනාලයාට පහරදී මනාලිය පළඳවන ලද රුපියල් 40,000ක මුදුව සහ හෝටලයේ බිල ගෙවීමට තිබු රුපියල් 50,000 ක් මෙන්ම ජංගම දුරකතනයද රැගෙන ගොස් ඇත්තේ මනාලියද සමඟයි. කෙසේ නමුත් මේ සිදුවීම සම්බන්ධයෙන් තරුණයා කොච්චිකඩේ පොලිසියට පැමිණිලි කර තිබෙනවා.

මංගල රාත්‍රිය දා මනාලයා සහ මනාලිය අතර බහින්බස් වීමක් සිදුව  ඇති අතර ඒ පිලිබඳ මනාලිය විසින් ඥාතියෙකුට ඒ ගැන දුන් දුරකතන ඇමතුමකට අනුව රාත්‍රී 10.00 ට පමණ ඇයගේ ඥාතීන් පිරිසක් පැමිණ මනාලයාට පහරදී ඔහු සතු ඉහත කී දේපල රැගෙන ගොස් තිබෙනවා.