රට ගිය රනිල් - මහින්ද දිවයිනට පැමිණෙයි

අමෙරිකා එක්සත් ජනපදයේ සංචාරයක නිරත වූ අග්‍රාමාත්‍ය රනිල් වික්‍රමසිංහ මහතා ඊයේ පස්වරුවේ දිවයිනට පැමිණියේය. එමිරේට් ගුවන් සේවයට අයත් යානයකින් අග්‍රාමාත්‍යවරයා ඊයේ පස්වරු 3.55 ට පමණ දිවයිනට පැමිණි බව අප වාර්තාකරු පැවසී ය.

අග්‍රාමාත්‍යවරයාගේ ඇමරිකා සංචාරය අතරතුර එක්සත් ජාතීන්ගේ සංවිධානයේ මහලේකම් අන්තෝනියෝ ගුටරේස්, මෙන්ම පොදුරාජ්‍ය මණ්ඩලීය මහලේකම් පැටි‍්‍රෂියා ස්කොට්ලන්ඞ් හමුවී සාකච්ඡා සිදුකළේය. එසේම, අග්‍රාමාත්‍යවරයා මෙම සංචාරයේදී එක්සත් ජාතීන්ගේ සාගර සහ සාගර සම්පත් තිරසර ලෙස භාවිත කිරීම මෙන්ම සංරක්ෂණ කිරීම පිළිබද සමුළුව ද අමතනු ලැබීය.

මේ අතර හිටපු ජනාධිපති මහින්ද රාජපක්ෂ මහතාද ජපානයේ දින 10 ක පෞද්ගලිකක සංචාරයක් නිමා කර නරීටා සිට පැමිණි ශ්‍රී ලන්කන් ගුවන් යානයෙන් ඊයේ සවස 5.00 ට පමණ කටුනායක ගුවන් තොටුපොළට පැමිණියේය.

(කටුනායක ටී.කේ.ජී.කපිල )