ශ්‍රී ලාංකික නාවිකයන් 8 දෙනා නිදහස්‌ කර දෙන්න - නාවික හමුදාපති සෝමාලියානු රජයෙන් ඉල්ලයි

ශ්‍රී ලාංකිකයන් 8 දෙනකු සේවය කරන ඉන්ධන නෞකාවට ඇතුළු වී සිටින මුහුදු කොල්ල කල්ලියෙන් එම ශ්‍රී ලාංකිකයන් නිදහස්‌ කරදෙන ලෙස සෝමාලියානු රජයෙන් ඉල්ලා සිටි බව ශ්‍රී ලංකා නාවික හමුදාපති වයිස්‌ අද්මිරාල් රවි විඡේගුණරත්න මහතා 'දිවයින' ට ඊයේ (14 දා) පැවසීය.

නාවික හමුදාපතිවරයා තවදුරටත් මෙසේ ද පැවසීය.

මෙම මුහුදු කොල්ල කල්ලිය එම නෞකාවට ඇතුළු වී සිටින බවට අපට තොරතුරු ලැබී තිබෙනවා. ඉන් එහාට මේ පිළිබඳව අපට තොරතුරු ලැබී නැහැ.

මෙම නැව අප්‍රිකා මහාද්වීපයේ ජීබ්‍රට්‌ ප්‍රදේශයේ වරාය ආසන්නයේ තිබියදී එම නැවට මුහුදු කොල්ල කල්ලියක්‌ ඇතුළු වී තිබෙනවා. ඔවුන් ඉල්ලන කප්පම් මුදල් කොපමණදැයි මෙතෙක්‌ හෙළි වී නැහැ. එම ශ්‍රී ලාංකිකයන් 8 දෙනා පිළිබඳව වැඩි තොරතුරු අපි සොයා බලාගෙන යනවා.