2020 ජනපති අපේක්ෂකත්වය හිරුණිකා ප්‍රේමචන්ද්‍රට! (Exclusive)

2020 වසරේදී ජනාධිපති අපේක්ෂකත්වය හිරුණිකා ප්‍රේමචන්ද්‍ර මහත්මියට හිමිවනු ඇති බවට මෙරට ප්‍රමුඛ පෙලේ සමාජ ක්‍රියාකාරිකයෙකු වන රජිත කීර්ති තෙන්නකෝන් මහතා සිය ෆේස්බුක් හරහා අණාවැකි පළකර තිබේ.

මහින්ද රාජපක්ෂ සමයේදී ආරක්ෂක අමාත්‍යංශයේ අධීක්ෂණ මන්ත්‍රී වරයා වශයෙන් කටයුතු කල දුමින්ද සිල්වාගේ වෙඩි පහරකින් හිරුණිකා ප්‍රේමචන්ද්‍ර මහත්මියගේ පියා වන භාරත ලක්ෂ්මන් ප්‍රේමචන්ද්‍ර මහතා මිය ගිය අතර පසුව ඇය දේශපාලනයට පිවිසියා. පසුගිය ජනාධිපතිවරණයේදී සිය දේශපාලන පරමාදර්ශය වන මෛත්‍රීපාල සිරිසේන මහතාගේ ජයග්‍රහණය වෙනුවෙන් කැපවීමෙන් ක්‍රියාකල ඒ මහත්මිය එක්සත් ජාතික පෙරමුණෙන් පාර්ලිමේන්තුවටද තේරීපත් විය.

කොළඹ දිස්ත්‍රික්කයේ තරුණ ජන්ද ආකර්ශණය කර ගැනීමේ ප්‍රධානතම චරිතය හිරුණිකා වූ අතර ඇගේ ආගමනයත් සමඟ දිගුකාලීනව එජාප දේශපාලනයේ නියැලුණු රෝසි සේනානායක මහත්මියටද සිය පාර්ලිමේන්තු අසුන අහිමි විය.

රජිත කීර්ති තෙන්නකෝන් මහතා තැබූ එම ෆේස්බුක් සටහන ඔබට පහතින් දැක්වේ.