සෞඛ්‍ය සේවා අධ්‍යක්ෂ ජනරාල් වෛද්‍ය පාලිත මහිපාල මහතා ලෝක සෞඛ්‍ය සංවිධානයේ අග්නිදිග ආසියානු කලාපීය රටවල බෝ නොවන රෝග, පාරිසරික සෞඛ්‍ය හා සංක්‍රමණික සෞඛ්‍ය පිළිබඳ ජාත්‍යන්තර සම්බන්ධීකාරකවරයා ලෙස පත්කර තිබේ.
ඒ අනුව වෛද්‍ය පාලිත මහිපාල මහතා ඉන්දියාවේ හෙට (16) නවදිල්ලියේ පිහිටි ලෝක සෞඛ්‍ය සංවිධානයේ අග්නිදිග ආසියානු කලාපයේ කාර්යාලයේදී නව තනතුරේ වැඩ බාරගැනීමට නියමිතය.
ඒ අනූව කලාපයට අයත් රටවල් 11ක ප්‍රධානියා ලෙස ඔහු කටයුතු කරනු ඇත.
සෞඛ්‍ය ක්ෂේත්‍රයේ මෙවැනි තනතුරකට පත්වන පළමු නිලධාරියා ලෙසද ඔහු සැලකෙයි.
2011 දී සෞඛ්‍ය සේවා අධ්‍යක්ෂ ජනරාල් ලෙස පත්වූ ඒ මහතා සෞඛ්‍ය ක්ෂේත්‍රයේ අවුරුදු 30ක පළපුරුද්දක් ඇති ජ්‍යෙෂ්ඨ නිලධාරියෙකි.
![කොරෝනා අස්සේ ජනයි ප්රියයි අත්තඩංගුවට - නුඩුත් නෑ බඩුත් නෑ නිදහස් - සමාජයෙන් වසන්කල වීඩියෝව එළියට [VIDEO]](https://blogger.googleusercontent.com/img/b/R29vZ2xl/AVvXsEhkIS_4DWAxbzLPYuBq_JkjPzi2oJf-ZCGgn0JURQo7NORxPshba7S_Zb8x2uwazASuDcU7bdTSjUuwYj_s8gPzjzafZ2p7St4As-Dk0_rNs61TyxaWjUmW0VDiOAjnHQqbyW1QusdoRoA/s72-w320-c-h180/janai+-+priyai.jpg)
No comments:
Post a Comment