'අනුර දැන් ඉන්නේ සිද්ධාර්ථ කුමාරයගේ සහෝදරයා වගේ' - (VIDEO)

ජනතා විමුක්ති පෙරමුණේ නායක අනුර කුමාර දිසානායක මහතා මේ දිනවල හැසිරෙන්නේ සිද්ධාර්ථ කුමාරයාගේ එක කුස උපන් සහෝදරයෙකු ලෙස බව එක්සත් ජනතා නිදහස් සන්ධානයේ පාර්ලිමේන්තු මන්ත්‍රී බන්දුල ගුණවර්ධන මහතා ප්‍රකාශ කරයි.

ඊයේ (24) ඒකාබද්ධ විපක්ෂයේ නියෝජිතයින් කිහිපදෙනෙකුගේ ප්‍රධානත්වයෙන් පැවති පැවති මාධ්‍ය හමුවකදී ඒ මහතා මේ බව කියාසිටියේය.

එහිදී අදහස් දැක්වූ මන්ත්‍රීවරයා, "ජවිපෙ රතු අලි පැටවු තමයි මේ දවස්වල වඩාම හොඳ. ඒ කට්ටිය කිසිම දවසක බැංකුවක් බිඳලා නෑ. පොදු දේපලවලට හානි කරලා නෑ. සිද්ධාර්ථ කුමාරයගේ එක කුස උපන් සහෝදරයා විදියට  තමයි අනුර කුමාර මේ දවස්වල ඉන්නේ. ඒ නිසා අපි කට්ටිය තමයි ප්‍රශ්නේ" යි කියා සිටියේය.

වැඩිදුරටත් අදහස් දැක්වූ ඒ මහතා ප්‍රකාශ කළේ ඔවුන් සඳහන් කරන පරිදි මහින්ද රාජපක්ෂ පාලන සමය තුළ රට විනාශවූවා නම් සුනාමියෙන් විනාශ වූ රට මහින්ද රාජපක්ෂ මහතා විසින් යළි ගොඩනැගීම රට විනාශ කිරීමක් වන බවත් යම් හෙයකින් අද යළිත් සුනාමි තත්ත්වයක් ඇති වුවහොත් වර්තමාන ආණ්ඩුවෙන් සහන නොලැබීම නිසා ජනතාවට සිදුවන්නේ මුහුදට පැන මියයාමට බවත්ය.

වීඩියෝව පහතින්...