වැල්ලවායේ වෙඩි තැබීමක්

වැල්ලවාය, අලුත්වෙල ප්‍රදේශයේ සිදු වූ වෙඩි තැබීකින් තරුණයෙකු තුවාල ලබා රෝහල් ගත කර තිබේ.

ප්‍රේම සම්බන්ධයක් මුල් කර ගනිමින් දෙපිරිසක් සමග ඇති වූ ගැටුමක් දුරදිග යාමෙන් මෙම වෙඩි තැබීම සිදුව ඇති බව සඳහන්ය.

වෙඩි වැදීමෙන් තුවාල ලැබු 22 හැවිරිදි තරුණයා මේ වන විට ඇඹීලිපිටිය රෝහලේ ප්‍රතිකාර ලබන බව වැල්ලවාය පොලිසිය පැවසුවේය. වෙඩි තැබීම සිදු කළ බව කියන සැකකරු වැල්ලවාය පොලිසිය මගින් අත්අඩංගුවට ගෙන ඇති අතර ඔහු වැල්ලවාය මහේස්ත්‍රාත්වරයා වෙත ඉදිරිපත් කිරීමට නියමිතය.