පොලිස් අණ නොතැකූ රථයට දෙහිවල දී වෙඩි

දෙහිවල ෆ්‍රේසර් පාරේ දී පොලිස් අණ නොතකා ධාවනය කළ මෝටර් රථයක රෝදවලට වෙඩි තැබීමට පොලීසිය කටයුතු කර තිබේ.

වෙඩි ප්‍රහාර හමුවේ ද නොනවත්වාම ධාවනය කර ඇති අදාළ මෝටර් රථය පොලිස් වෑන් රියක් ද අනතුරට ලක් කොට ඇති බව වාර්තා වේ.

පසුව එම රථය පිටුපස පොලිසිය ලුහුබැඳ ඇති අතර එහි සිටි සැකකරු බසයකට නැග සිටිය දී අත්අඩංගුවට ගැනීමට හැකිව ඇත. සැකකරු ළඟ තිබී රුපියල් ලක්ෂ 30 ක හෙරොයින් මත්කුඩු ද මුදලින් රුපියල් ලක්ෂ හතක් ද විදේශීය රටක නිෂ්පාදිත ගිනි අවියක් සහ පතොරම් තොගයක් ද පොලිස් භාරයට ගෙන තිබේ.