නෝම්බි ඇල්ලූ පළමු දවසේම ත්‍රස්තයින්ගෙන් ප්‍රහාරයක්

ඉරාකයේ පූජනීය නගරයක් ලෙස සළකනු ලබන කෙර්බාලා නගරයේ සිදුවූ බෝම්බ පිපිරීමකින් පුද්ගලයින් 10 දෙනෙකු මියගොස් තිබෙනවා. 

ප්‍රහාරයෙන් තවත් 26 දෙනෙකු තුවාල ලබා ඇති බවයි ඉරාක වාර්තා පවසන්නේ. කෙර්බාලා නගරයේ ජනාකීර්ණ පෙදෙසක් ඉලක්කකරගනිමින්ර් ප්‍රහාරය එල්ලකෙරුනා. බෝම්බ ප්‍රහාරයෙන් තුවාල ලැබූවන් අතර බරපතල තත්ත්වයේ සිටින කිහිපදෙනෙකුද සිටින බව සඳහන්. 

ඉරාක වාර්තා සඳහන් කරන්නේ අයි.එස් ත්‍රස්තවාදීන් හෝ සුන්නි සටන්කාමීන් මෙම ප්‍රහාරය සිදුකරන්නට ඇති බවට සැක පලකරන බවයි. කෙසේ නමුත් ප්‍රහාරයේ වගකීම මේ වන තෙක් කිසිවෙකු භාරගෙන නැහැ.