අන්තරේ පෙළපාලියට පොලීසියෙන් කඳුළු ගෑස්

අන්තර් විශ්වවිද්‍යාලීය ශිෂ්‍ය බලමණ්ඩලයේ විරෝධතා පාගමනක් විසුරුවා හැරීම සඳහා පොලීසිය කොළඹ කොටුව ලෝටස් පාර ආසන්නයේ දී ජල හා කඳුළු ගෑස් ප‍්‍රහාරයක් එල්ල කර තිබේ. 

පොලිස් අණ නොතකා ජනාධිපති මන්දිරය දෙසට යමින් සිටි අන්තරේ සිසුන්ට මෙම ප්‍රහාර එල්ල කර ඇතැයි වාර්තා වේ. මාලබේ පෞද්ගලික විශ්වවිද්‍යාලයට එරෙහිව ලංකාවේ සියලු විශ්වවිද්‍යාලවල සිසුහු කැළණි සරසවියේ  සිට පෙළපාලියෙන් කොළඹට පැමිණ තිබේ.

ශිෂ්‍ය භික්ෂූන් වහන්සේලා ද මෙම පෙළපාලියට සහභාගී වී සිටියහ. කොලඹ කොටුව සම්බෝධිය අසලින් ජනාධිපති ලේකම් කාර්යාලය වෙත පිවිසෙන මාර්ග වසා දමා ඇත. කොළඹ කොටුව අවට මාර්ගවල මේ වනවිට දැඩි වාහන තදබදයක් පවතී.