ඒකාබද්ධ විපක්ෂය තවත් දේවාලයකදී පොල් ගසන්න සැරසෙයි

පොලිස් මූල්‍ය අපරාධ විමර්ශන කොට්ඨාසයට සහ ආණ්ඩුවේ සෙසු අකටයුතුකම්වලට එරෙහිව ඉදිරියේදීත් නැවත නැවත දෙවියන්ට කන්නලව් කරන බව ඒකාබද්ධ විපක්‍ෂය පවසනවා. 

පාර්ලිමේන්තු මන්තී‍්‍ර රංජිත් සොයිසා මහතා පවසන්නේ යහපාලන ආණ්ඩුවේ මේ වන තෙක් ක්‍රියාකලාපයෙන් ජනතාව විශාල පීඩාවකට පත් වී සිටින බවයි.

එළබෙන පෙබරවාරි 13 වැනිදාට  පොලිස් මූල්‍ය අපරාධ විමර්ශන කොට්ඨාසය පිහිටුවා වසරක් සැපිරෙන බවත් එම ආයතනයේ අකටයුතුකම් දෙවියන් ඉදිරියේ පමණක් නොව අධිකරණය ඉදිරියට පවා ගෙන යන බවත් සඳහන් කළා.
 
ඒකාබද්ධ විපක්‍ෂය සංවිධාන කළ දේව කන්නලව්වක් සීනිගම දේවාලයේදී ඊයේ (06) පැවැත්වුණා. පොල්ගසා කරන මෙවැනි තවත් දේව කන්නලව්වක් ගොඩකවෙල අම්මඩුව කුඩා කතරගම දේවාලයේදී ලබන 13 වනදා සිදුකරන බවයි පාර්ලිමේන්තු මන්තී‍්‍ර රංජිත් සොයිසා මහතා වැඩිදුරටත් කියාසිටියේ.